आश्विन २२, २०८३ / 2026-10-08
आश्विन २२, २०८३ / 2026-10-08
काठमाडौं । सरकारले बाढीपहिरो प्रभावित स्थानीय तहलाई विपद् संकटग्रस्त घोषणा गरेको छ ।
बिहीबार राजपत्रमा सूचना प्रकाशित गरी असोज १० र ११ गतेको वर्षासँगै आएको बाढीपहिरोबाट प्रभावित ६ जिल्लाका २० वटा स्थानीय तहलाई विपद् संकटग्रस्त घोषणा गरिएको हो । ती स्थानीय तह तीन महिनाका लागि विपद् संकगग्रस्त घोषणा गरिएका हुन् ।
बाग्लुङ, मनाङ, म्याग्दी, पर्वत, गोरखा र पूर्वी नवलपरासीका स्थानीय तह संकटग्रस्त घोषणा गरिएका हुन् । कतिपय पूरै स्थानीय तह छन् भने कतिपयको केही भागलाई विपद् संकटग्रस्त घोषणा गरिएको छ ।
राजपत्रमा प्रकाशित सूचनामा विपद् जोखिम न्यूनीकरण एवं व्यवस्थापन ऐन, २०७४ को दफा ३२ को उपदफा १ अनुसार विपद् संकटग्रस्त घोषणा गरिएको जनाइएको छ ।
