काठमाडौं । नेपाल प्रहरीले नेपाली राष्ट्रिय क्रिकेट टिमका कप्तान सन्दीप लामिछानेले १७ वर्षीय किशोरीलाई जवर्जस्ती करणी गरेको आरोपमा उजुरी परेको जनाएको छ ।
काठमाडौं प्रहरीले गौशाला वृत्तमा लामिछानेविरुद्ध बलात्कार गरेको आरोपमा जाहेरी परेको जनाएको हो ।
लामिछानेले किशोरीलाई काठमाडौं र भक्तपुरको विभिन्न स्थानमा लगेर राती ११:५० बजे एक होटलको कोठा नम्बर ३०५ मा लगेर पटकपटक जवर्जस्ती करणी गरेको आरोपमा जाहेरी दिएको जनाएको हो ।
एकद्वार संकट व्यवस्थापन केन्द्र (ओसीएमसी)मा लगेर किशोरीको विस्तृत स्वास्थ्य परिक्षण गराइएको समेत जनाइएको छ ।
अनुसन्धानका बिविध बिधि र प्रविधि प्रयोग गरी जिल्ला प्रहरी परिसर काठमाण्डौ र प्रहरी बृत्त गौशालाबाट संयुक्तरुपमा खटिएकोप्रहरी टोलीद्वारा उक्त घटनामा सुक्ष्मरुपमा थप अनुसन्धान भईरहेको प्रहरीले जनाएको छ ।
प्रतिक्रिया